Geburtstagsgedichte fränkische Mundart

Geburtstagsgedichte fränkische Mundart
Auf diesen Seiten finden Sie originelle Gedichte in fränkischer Mundart. Wenn Sie das Geburtstagsgedicht während der Feier vorlesen machen Sie dem Jubilar und den Gästen ganz bestimmt eine große Freude und tragen so zum guten Gelingen des Festes bei. Die Gedichte wurden verfasst und eingesandt von Anita. Unseren besten Dank an Anita.

A boar Sätzle' af Fränkisch

I mecherd e´mal dichdn in de´ fränkischn Sprooch -
basst ner aaf wos i eich sooch.
Wos du maanst dichdn koo i net? -
Du i hob sugoar scho gschriem a glanns Sonett.

Obbe´ etzertla kummt de´ Hädedest -
des gibbt mer fei nu goar in Rest.
Ob i werkli fränkisch dichdn koo? -
Goar ned su leichd is´ - mei liabe´ Moo.

Etz fang i e´scht e´mal oo: „af fränkisch -
dou reimd si glei scho zänkisch!“
Sin mir Frankn zänkisch? – I maanerd nedd -
obber eigeh mecherd i ka Wedd.

Beim ann odde´ andern – hodd mer scho amal ghäie´d de´vo -
obbe´ däi kenna nix däfia´ – su is hold e´ Moo.
Sunst simmer scho äie´rer freindli und nedd -
und homm a immer in Kubf vurm Bredd.

Des maand mir san gscheid – is eh gloar -
ja werkli, dess is ganns gwies woar.
Weil mir Frankn - mir zäign di Huusn iebe´n Hindern -
däi Hoosn - däi däffn im Schdall iebe´windern.

Sixters suu gscheid sin mir Frankn -
unserm Herrgott dämmer däfia´ dankn.
Und aanu däfia´, dässer uns hod geem -
a´ suu a´ scheens Land wou mer drinna´ leem.

- Fränkisches Geburtstagsgedicht Verfasserin Anita -


Fränkisches Geburtstagsgedicht
(Des is blous fiä´ an Frankn)

Dei Mudde´ wäis di zerscht hod gseeng
hod gwies gsacht: Mei Herrgott lass de´ dankn -
i maan du moust mi scho gearn meeng -
sunst hässt mer gschenkt kann Frankn.

Su woars wäi du bist kummer afd weld
hosd späde´ aa ned ghabt vill geld
woars alle´weil schäi dei Leem
hod nix schlimmers drinn geem.

Bist woarn e´ weng e´ Schlaggäler -
dei Frau des is dei Waggäler.
däi find di immer nu liebenswerd -
ihr zwaa seids nedd verkehrd.

Drum frei di dasd immer nu su gsund
wennst a nimmer e´ junger Schbund.
kannst immer nu macher ganz vill Sacher -
bsonders kannst nu grohd naus lacher.

Wennst des machst hammer alle a Freid,
drum lach su weider - sei gscheid.
Und dou deim Herrgott dankn
dasd boarn wurn bist in Frankn.

- Fränkisches Geburtstagsgedicht Verfasserin Anita -


Weitere Geburtstagsgedichte verfasst und eingesandt von Anita.


Kategorie Geburtstagsgedichte. Fränkische Mundart Gedichte zum Geburtstag. Verfasserin Anita